طريقه عمل .................ادخلي واعرفي بنفسك حنعمل ايه

احلى تحيه على البنانيت الجمال اللي بيحبوا يعملو حاجات حلوه في المطبخ
ان النهارده منزللكوا حاجه حلوه مش كل الناس تعرف تعملها في البيت
بس ان شاء الله حتعجبوا
حنعمل سوا الايس كريم
ويلا نشوف بيتعمل ازاااااااااي ؟؟
المقادير:
- كوب سكر
- 5 بيضات
- 5 أكياس فانيلا
- لبن
- بودر كريم

الطريقه
بصى ياستى
*احنا هنجيب البيض ونفصل الصفار عن البياض ونحط كل واحد لوحده
الصفار لوحده والبياض لوحده
ونحط فى الاناء الاول اللى فيه الصفار نحط نصف كوب سكر , وفى الاناء الثانى اللى فيه البياض نحط نصف كوب السكر التانى
ونضربهم بمضرب الكريمه كويس اوى لحد لما المزيج كله يبقى متماسك
بعد لما نضرب الصفار , وكذلك البياض
نضيف الصفار المخفوق + مع البياض المخفوق ونضربهم مرة اخرى
بعد كده نحط عليهم 5 أكياس الفانيلا ونضربهم كويس
ونحط الاناء ده فى التلاجه اوك

*نضع فى أناء 150 جرام بودر كريمة ونضيف ليها لبن او ماء على حسب الرغبه
ونضربهم كويس اوى
وبعد كده نضيف البودر كريمه على الكريمه اللى احنا عملنها بالبيض
ونقلبهم كويس
والمفروض ان الايس كريم يتحط فى الفريزر على الاقل 3 ساعات

وفى حاجه مهمة اوى
ان لو حطينا اى زيادات على الايس كريم هيتسمى باسم الزيادات ديه
يعنى مثلا ضيفنا مزيج شوكلاته يبقى ايس كريم شوكلاته لو ضفنا عصير مانجه يبقى ايس كريم مانجه

ملحوظه :-
لو عند قطعه شوكلاته ولما تيجى تسيحيها فى حمام بخار
بعد متسيحى الشوكلاته تحطى نقطه زيت عشان هتدى لمعه للشوكلاته
اوك
ديه الطريقه المعتاد العمل بيها فى الفنادق ال 5 استارز

» اعرف نفسك من طريقه نومك!!