Pharosdent Forum
Welcome at " Pharosdent " forum
plz register now
thnx

Pharosdent Forum

منتدي واحد يجمعنا كلنا
 
HomeCalendarGalleryFAQMemberlistUsergroupsRegisterLog in

Share | 
 

 يوميات اتنين مخطوبين..متجدد ان شاء الله

View previous topic View next topic Go down 
Go to page : Previous  1, 2, 3  Next
AuthorMessage
Dr Allam



Female Number of posts : 21
Reputation : 0
Points : 0
Registration date : 2008-11-26

PostSubject: Re: يوميات اتنين مخطوبين..متجدد ان شاء الله   Sun Dec 28, 2008 12:04 am

حلوه ياسمسمه تسلم اديك
Back to top Go down
View user profile
Dr Senna
Admin
avatar

Female Number of posts : 1228
Age : 28
العمل/الترفيه :
المزاج : تمام والحمد لله
Reputation : 9
Points : 701
Registration date : 2008-10-22

PostSubject: Re: يوميات اتنين مخطوبين..متجدد ان شاء الله   Sun Jan 11, 2009 2:16 pm







(ازيك يا سارة 00 ياه ماشاء الله !!) قالها عمر بتلقائية كبيرة وهو يسلم على جعلت اخوتى يبتسمون وانا وجهى احمر من الخجل وفوجئت ان يمدحنى هكذا أمام الجميع !! لكن كنت سعيدة جدا بهذه الجرأة أو التلقائية لا أدرى ياااه فعلا التليفون أرحم من اللخبطة دى !!!
سارة







بجد فوجئت بجمال سارة اليوم وجهها نضر وملامحها تنطق بالجاذبية والجمال رغم انها لا تضع ماكياج والحمد لله 00 لم استطع ان أخفى سعادتى عندما رأيت وجهها مرة ثانية والمرة دى أشعر انها ملكى فازدادت جمالا فى عينى لكن أكيد والدتها وأخواتها بيقولوا على مدلوق جدا !!! لا امسك نفسك شوية يا سى عمر ما تكسفناش !!
عمر






الله عمر بجد رقيق جدا جايب ورد معاه كنت خايفة يجيب فاكهة بقى وبطيخة والفيلم ده ! ونظرت الى الهدية الكبيرة فى ورقها اللامع وفرحت انه فكر يشترى لى هدية ده يدل انه انسان كريم ورقيق 00 الحمد لله يارب تفضل كده يا عمر !!
ياترى ح نقعد فين ؟ أكيد مش لوحدنا طبعا طيب أقعد فى الكرسى اللى جنبه ولا بعيد طب بابا موجود ازاى أقعد جنب عمر فى وجود بابا ؟ ياسلام على الهنا بابا حسم الحدوتة وقال ( تعالى أقعد جنبى هنا يا عمر !!!)

سارة







يا سلام على الهنا ح أقعد جنب حمايا العزيز اهى دى فيها ساعتين قناة الجزيرة وساعتين عن مستوى الزمالك المنحدر وبعدها أكيد ح اكون استأذنت وروحت يا خسارة الورد والهدية !!!
الحمد لله سارة قعدت فى الكرسى المقابل لنا أنا وعمى لا أدرى هل حمايا لاحظ انى أختلس النظرات الى وجهها الجميل ؟ بجد وجهها يحمل ملامح طفولية تنم عن الشقاوة وخفة الدم وايضا جاذبية كبيرة تجعلك لا تمل النظر لها 000وكنت غير منتبه الى كلام حمايا المطول غصب عنى وأرد فقط ب طبعا طبعا يا عمى 00 فعلا فعلا يا عمى 000 ايوة فعلا يا سارة !!!
وانتبهت الى خطأى واحمر وجهى من الخجل ولاحظ عمى هذا وضحك وقال لى ( ده انت مش معايا انا يا سيدى طب لما أسيبكم تتكلموا شوية وأقوم اتكلم فى التليفون !!! )

عمر







ضحكت جدا على عمر وفرحت بصراحة ان بابا قام وقعدت جنب عمر ولاحظت سعادته بهذا وقال لى مباشرة ازيك يا سارة افتقدتك جدا من المرة اللى فاتت !!) يااه كلمة الافتقاد دى كبيرة اوى احلى بكتير من وحشتينى 00 كان نفسى أقول له وانا كمان لكن اتكسفت جدا 00 أول مرة أحس انى بنوتة بقى وبتكسف00 دول كانوا مسمينى فى العيلة الكابتن من كتر تهريجى !! الظاهر انى ح أكتشف سارة جديدة خالص ما عرفتهاش قبل كده !!
سارة








أنا جبت لك هدية يا سارة يارب تعجبك بتحبى الدباديب ؟ فوجئت ان سارة نطت من مكانها وحضنت الدبدوب وقبلته ونيمته فى حضنها وقالت بسعاد طفولية ( الله ده تحفة يا عمر بجد يجنن !!) فرحت جدا برد فعلها الطفولى الجميل ورغم ان الجميع كانوا حولنا الا انى كنت لا أشعر الا بى وبها فقط 00000
يارب ما تتغيريش ياسارة وتفضلى لذيذة كده على طول 000 مش عارف ليه ساعتها كنت عاوز أقول لكل العالم ان هذه الطفلة الجميلة طفلتى أنا !!!

عمر








ايه الجنان ده ؟أكيد ح يقول على عيلة دلوقت !!! طب ماهو اللى غلطان كان لازم يجيب دبدوب يعنى ؟ ده أنا باموت فيهم 00 يوووووه هو أنا لازم أفضل محتارة على طول ؟ لازم يتعود على زى ما أنا !! بس كل صديقاتى قالوا لى اتقلى واعملى فيها الراسية العاقلة 000 وماما بتبص لى من بعيد نفسها تقتلنى !! بس عمر فيه فى عينيه نظرة حنان جميلة بتخلينى أطلع كل اللى جوايا بدون اى تصنع وده اللى مخلينى معجبه بيه 00 00
.سارة







ياااه انا نسيت كل الموجودين ونسيت الوقت معقول بقى لنا ساعتين بنتكلم ؟ ! انا نسيت انى ضيف ولازم ما أقعدش كتير اوى كده !!! بجد كلام سارة لذيذ جدا وحبل الكلام بيننا ممتد الى مالا نهاية بدون أى تكلف ولاحظت انها قارئة جيدة مش روشة طحن زى بقية البنات ومخها أبيض ودى حاجة عاجبانى فيها جدا بتحسسنى انى قاعد مع الف بنت : صديقة وأخت وزميلة وطفلة وأنثى وقريبة ووووو 000 حبيبة 00



عمر




_________________





Back to top Go down
View user profile http://pharosdent.forum.st
ibra
دكتور نشيط
دكتور نشيط
avatar

Male Number of posts : 174
Age : 28
المزاج : عالي
Reputation : 0
Points : 216
Registration date : 2008-11-21

PostSubject: Re: يوميات اتنين مخطوبين..متجدد ان شاء الله   Thu Feb 05, 2009 2:44 pm

رائع والاسلوب السردي ممتاز

http://7ima.blogspot.com/
Back to top Go down
View user profile http://www.filgoal.com/Arabic/
amira abdulhalim
دكتور ممتاز
avatar

Female Number of posts : 594
Age : 29
الموقع : alex
العمل/الترفيه : doc
المزاج : I love my lovely baby so much
Reputation : 1
Points : 43
Registration date : 2008-10-25

PostSubject: Re: يوميات اتنين مخطوبين..متجدد ان شاء الله   Tue Feb 17, 2009 6:40 pm

يااااااااااااااااااااااااااااااااااااااااااااااااااه
عمر وساره وحشتني اوي
حلقه جميله جدا ياسمسم
عجبني الحب اللي مابنهم والشقاوه الموجوده في الطرفين
مستنيه الحلقه الجديده
ماتنسنااااااااااااااش وماتتاخريش

Back to top Go down
View user profile
Dr Senna
Admin
avatar

Female Number of posts : 1228
Age : 28
العمل/الترفيه :
المزاج : تمام والحمد لله
Reputation : 9
Points : 701
Registration date : 2008-10-22

PostSubject: Re: يوميات اتنين مخطوبين..متجدد ان شاء الله   Fri Feb 27, 2009 1:52 pm


عمر مشى من قليل وبجد انا مرتاحة جدا دلوقت حسيت انى سعيدة لأننا على درجة كبيرة من التفاهم او على الأقل فيه ناس باحس انى مخنوقة منهم بسرعة لكن مع عمر لا دايما باحس انى على طبيعتى وعاوزة اقول له كل اللى جوايا بدون زواق ومش محتاجة اتكلف اى حاجة علشان أعجبه ومتهيألى دى حاجة كبيرة ووو 000 قطع تفكيرى صوت أختى ( أبيه عمر على التليفون 000هو لحق وصل!!!! )
نطيت رفعت السماعة وانا طايرة من الفرح : الو ايوة يا عمر انت وصلت ؟

- لا باتكلم من عند البقال!! ايوة وصلت طبعا انا كنت سايق على 120 علشان أوصل بسرعة وأكمل كلامى معاكى دى ماما اتخضت وانا باجرى على اودتى علشان أكلمك !!
- 00000000000000
- ساكتة ليه ؟
- مش عارفة أقول ايه ؟ انا بجد فرحانة وقلقانة ومبسوطة وخايفة وووو000
- ايه الكوكتيل الجامد ده ؟ طب فرحانة ومبسوطة علشان انا شبه أحمد السقا ماشى 000 لكن 000
- ياعم قول ياباسط أحمد السقا ههههههههههه
- كده ياسارة الله يسامحك طب ادينى ضحكتك ياستى قولى لى خايفة من ايه ؟
- خايفة اننا بنقرب لبعض بسرعة أوى وانا ماليش تجارب قبل كده 00 فخايفة أكون فرحانة بس بفكرة الحب والارتباط ومش قادرة أقيم الموضوع صح واطلع غلطانة فى الاخر0
- ما تخافيش من أى حاجة فى الدنيا طول ما انا جنبك يا غالية 000
- ( ياااه يا عمر بجد انت اللى غالى 000) 0000000000فى سرى طبعا
- سارة سامعانى ؟
- ايوة
- بصى ياستى انتى بتعدى الشارع وفيه عربيات؟
- طبعا
- بتدخلى مبنى ما دخلتهوش قبل كده علشان تخلصى مصلحة ليكى ؟
- أكيد
- بتركبى تاكسى لوحدك ؟
- ايوة ايوة00ايه الأسئلة العجيبة دى كلها ؟
- طب ليه مش خايفة وانتى بتعدى الشارع عربية تخبطك لا قدر الله يبقى نبطل نعدى شوارع أحسن 00 ولا وانتى داخلة مبنى غريب يحصل لك حاجة ولا فى التاكسى تتخطفى مثلا ؟ يا سارة لو خفنا من كل حاجة عمرنا ما ح نعمل حاجة ابدا وبعدين احنا واخدين الطريق الشرعى أمام الله وأمام الناس ونيتنا احنا الاتنين اننا نرضى الله فى الحلال يبقى الخوف والفشل ح ييجوا منين ؟
- انا خايفة من اختلاف الشخصيات يا عمر يكون سبب الفشل!!! 0
- بصى ياسارة أكبر غلط كل البنات بترتكبه انها تتجوز واحد بشخصية معينة وتحلم انها تخلق منه شخصية مختلفة 180 درجة مفروض اننا نحب الانسان بمميزاته وعيوبه 00ونتقبله كما هو ونحبه زى ماهو 00
- مش بيقولوا مراية الحب عامية ؟
- دى مراية الحب مفتحة ولها عشر عيون بقى انا مش ح اشوف الانسان اللى باحبه ؟ امال ح اشوف مين يعنى ؟ يعنى انا دلوقتى مش شايفك ؟
- 000000000000ياااااااه أول مرة 000 يعنى انت بتحبنى يا عمر؟؟؟؟ ( برضه فى سرى)000
- سارة انتى فين ؟
- انا سامعاك 00 انت عارف يا عمر اكتر حاجة بتعجبنى فيك ايه ؟
- غير انى شبه احمد السقا ؟
- ههههه برضه مصمم ؟ ماشى يا سيدى لا بجد باحس انى باكلم حد من صديقاتى مش خطيبى يعنى حاسة ان الصداقة بيننا بتكبر كل يوم ودى حاجة مفرحانى جدا
- على فكرة ده نفس احساسى انا كمان 000000عارفة ياسارة مهم جدا ان الأزواج يكونوا اصدقاء ده بيخلى التفاهم بينهم كبير جدا
- انت عارف ياعمر الزواج عامل زى بيت من 3 ادوار الدور الاول الاعجاب والانبهار والرغبة الشديدة والدور التانى الحب والدور التالت الصداقة 000 فلو غبار الزمن والتعود والمشاكل طمس الدورين الأول والتانى لا يمكن ح يوصل للتالت ابدا
- انا بجد لقيت كنز لما لقيتك يا سارة 000 انتى بجد مليتى على الدنيا انا حاسس انى مش محتاج حد تانى من الدنيا 000 الحمد لله يارب 00
- ربنا يخليك لى ياعمر000
- انا لى عندك طلب ياسارة ياريت نخلى حفلة خطوبتنا والشبكة نكتب فيها الكتاب كمان ايه رأيك؟
- كتب كتاب !!!! بسرعة كده !!!!!
- بصى ياسارة ما تتخضيش 00خدى وقتك وفكرى00 بس انا مش عاوز أغضب ربنا فى حاجة جوايا كلام كتير مش قادر أقوله ليكى 00 ونفسى نخرج لوحدنا نشوف العالم مع بعض بعيونا احنا بس ونخلق ذكريات خاصة بينا احنا الاتنين 00وما تفتكريش انى كده بأقيدك او بألزمك بحاجة لا يوم ما تحبى تبعدينى من حياتك ح ابعد بدون قيود 00
- ايوة بس 0000
- بصى ياسارة ربنا هو اللى جمعنا و اعطانا نعمة كبيرة اننا قربنا لبعض بفضله وحده فمش معقول اننا نشكر النعمة دى بأننا نعمل معصية 00 صدقينى لو أرضيناه ح يرضينا 00 بصى فكرى براحتك وردى على 000 معلش طولت عليكى انا بجد اسف الوقت معاكى بيعدى من غير ما احس 00 حاسيبك ترتاحى دلوقتى 00 خلى بالك من نفسك
- تصبح على خير
- تصبحى على خير يا ملاكى 0000000000000


_________________





Back to top Go down
View user profile http://pharosdent.forum.st
amira abdulhalim
دكتور ممتاز
avatar

Female Number of posts : 594
Age : 29
الموقع : alex
العمل/الترفيه : doc
المزاج : I love my lovely baby so much
Reputation : 1
Points : 43
Registration date : 2008-10-25

PostSubject: Re: يوميات اتنين مخطوبين..متجدد ان شاء الله   Fri Feb 27, 2009 5:50 pm

وطبعا كالعاده حلقه جميله
تسلم اديكي ياسمسم على نقلها

Back to top Go down
View user profile
Dr Senna
Admin
avatar

Female Number of posts : 1228
Age : 28
العمل/الترفيه :
المزاج : تمام والحمد لله
Reputation : 9
Points : 701
Registration date : 2008-10-22

PostSubject: Re: يوميات اتنين مخطوبين..متجدد ان شاء الله   Tue Mar 03, 2009 1:11 pm

اي خدمه يا فندم

بس فين بقيه الناس fh
هي القصه مش عجباهم ولا ايه؟؟؟؟ utu67

كده مش هكمل tru68i76


مستنيه الردوووووووود


cry_2

_________________





Back to top Go down
View user profile http://pharosdent.forum.st
Dr Senna
Admin
avatar

Female Number of posts : 1228
Age : 28
العمل/الترفيه :
المزاج : تمام والحمد لله
Reputation : 9
Points : 701
Registration date : 2008-10-22

PostSubject: Re: يوميات اتنين مخطوبين..متجدد ان شاء الله   Mon Mar 09, 2009 3:43 pm

انا هخليني جدعه وانزل الحلقه دي cry_2


(11) يوم شراء الشبكة !!



يارب اليوم ده يعدى على خير !! امبارح زارنا عمر ووالده ووالدته وكانت زيارة جميلة أهل عمر فرحانين بى جدا وقعدوا مع ماما وبابا وهات يا كلام وانا وعمر انتهزناها فرصة طبعا وأخدنا جنب بعيد و اديناها رغى وتهريج لحد ما لقينا صوت الكلام بين الاباء انخفض والوجوه اتوترت شوية وواضح ان فيه مشكلة فى الجو
وكل اللى سمعناه انا وعمر شوية كلمات زى ( لا لا ده قليل اوى !) ( لا ده كده حرام! ) وحاجات زى كده حاولنا نفهم فيه ايه مفيش فايدة , لحد ما والد عمر ووالدته استأذنوا فجأة بدون سابق انذار !! وعمر حصلهم بسرعة وانا واقفة فاتحة بقى ومش فاهمة حاجة خالص !!! وسألت ماما عن اللى حصل ماردتش على وسمعتها بتقول وهى ماشية ( ابتدينا بقى النكد ده ايه وجع القلب ده !! ) يا ما شاء الله ربنا يستر !!

سارة






(انا مش فاهم حاجة خالص أقدر أعرف فيه ايه ؟) قلتها لأمى وأبى واحنا فى العربية اعتراضا منى على نزولهم المفاجىء من بيت سارة , ردت على ماما وقالت لى ( مش عاجبهم يا سيدى اننا نجيب شبكة ب5 تلاف جنية 00 قال عاوزين شبكة ب 8 تلاف قال , هو حد لاقى عرسان فى الزمن ده ؟ )
رد عليها بابا ( انتى كبرتى الموضوع وقلبتيه فصال وأحرجتينا مع الناس ليه كده ؟ )
حسيت بخجل وارتباك كبير يا خبر ابيض دلوقتى سارة تقول علينا ايه ؟ قلتها فى سرى ولم استطع نطق كلمة لأنى لا أجرؤ حتى على الاعتراض لأنهم هم من سيدفعون ثمن الشبكة cry_2 اه ياربى لو كان المال مالى كنت جبت لها كنوز الدنيا 4_9_8 يا ترى يا سارة بتفكرى فى ايه دلوقت ؟؟؟

عمر




ربنا يستر البداية لا تبشر بخير انا عن نفسى مش مشكلة عندى الشبكة واصلا لا احب الذهب وافضل عليه الفضة لكن المشكلة الحقيقية ان يكون الناس دى بخلاء دى تبقى كارثة !!! طب وعمر رد فعله ح يكون ايه ؟ يا ترى حيفضل ساكت ؟ وح يوافق على كلام اهله بدون اعتراض ؟
افقت من أفكارى وماما بتفتح لى باب العربية وبتصرخ فى وتقولى ( يالا يا بنتى محل الجواهرجى اهه والناس مستنيانا جوة 22_3 )
سارة






ياااه اول مرة أبقى خايف وانا باشوف سارة انا بجد خايف احسن تحصل مشكلة وانا مش فى ايدى حاجة اصلا wa_a مديت ايدى وسلمت على الجميع سارة شكلها لم تنم جيدا واضح على وجهها الارهاق وفى عينيها نظرة تساؤل وانتظار utu67
ولاحظت علامات تحفز وعصبية على وجه حمايا وحماتى ومثلهم على وجه ابى وامى utu67 دى الحرب العالمية التالتة ح تقوم ربنا يستر ياااااااارب

عمر







انا مش عاوزة دهب ولا مشاكل انا عاوزة الموقف ده يعدى واروح وخلاص 306_2 ده الجواز ده كله توتر وحواديت !!! حمايا قال لى (اختارى ياعروسة الى يعجبك )
وانا اصلا مش باعرف اقدر قيمة الدهب كويس وخصوصا انه نار الايام دى , مددت يدى على طقم دهب ابيض على شكل ضفيرة وبه فصوص كثيرة وقلت حلو ده kl.kjl امتعضت حماتى وقالت ( لالالا الدهب الابيض مصنعيته غاليه اوى والفصوص بتخسر لما تحبى تبيعيه ) بصيت لعمر لقيته ساكت تماما fdgd اتضايقت بس قلت عندها حق اشوف حاجة تانية

اختارت لى ماما طقم اخر وقبل ما ألمسه حماتى العزيزة قالت ( لا لا لا ده شكله تقيل وغالى جدا احنا ما اتفقناش على كده ) وعمر لا ينطق بكلمة kl.kjl اتضايقت جدا fdgd كان نفسى يقول لها سيبيها تختار اللى هى عاوزاه . لكنه صامت تماما

همت ماما بالكلام لكن بابا منعها كى لا يزيد الجو اشتعالا وقال لى اختارى حاجة تانية ياسارة اخترت واحد تانى لم يعجبنى لكن علشان أخلص وخلاص وبعد معرفة ثمنه اعترضت وقالت( لا برضه غالى !!! )
انت رأيك ايه يا عمر ؟ قلتها له وكلى ترقب لما سيقول رد على وهو يتحاشى النظر الى ( اللى تتفقوا عليه انا موافق عليه !!) ياااه هو ده اللى ربنا قدرك عليه ؟ امال امتى ح تدافع عنى ؟ قلتها فى سرى وكى لا أبكى او انفجر فى وجهه قلت لحماتى اختارى انتى يا طنط اللى يعجبك !!!

وبالفعل اختارت طقم يناسب المبلغ المقدس تماما ووافقت ماما تحت ضغط نظرات بابا النارية ولم انظر الى الطقم وتركتهم يكتبون الفاتورة وجلست فى صالون بعيد فى المحل وانا اقاوم البكاء والانفجار من موقف عمر السلبى فى اول احتكاك حقيقى
ورأيته قادم يبتسم ويقول لى ( مبروك عليكى االشبكة ياعروسة ) رديت عليه والكلمات تخرج من فمى مثل الرصاص ( مبروك عليك انت انا مش عاوزاها ولا عاوزاك !!!!)
سارة



_________________





Back to top Go down
View user profile http://pharosdent.forum.st
Dr Senna
Admin
avatar

Female Number of posts : 1228
Age : 28
العمل/الترفيه :
المزاج : تمام والحمد لله
Reputation : 9
Points : 701
Registration date : 2008-10-22

PostSubject: Re: يوميات اتنين مخطوبين..متجدد ان شاء الله   Sun Mar 15, 2009 1:08 pm

في اليــوم التــالي



لم أردّ على مكالمات عمر المستمرة وجعلت الموبيل سايلنت وجلست فى غرفتي أبكى باستمرار من موقف عمر السلبي cry_2

هل سأتزوج رجل بدون شخصية؟ 4_9_8

هل حماتي العزيزة هي من ستتحكم فى حياتي؟ wa_a

ومن يجبرني على هذا؟

هل هذا موقف عارض ام ان هذه هى الحياة المنتظرة معه؟

يارب انا فى حيرة rdft دلّني ماذا أفعل.. ومسحت دموعي عندما نادت عليّ ماما: يا سارة عمر هنا تعالى بسرعة


ساره




جلست فى الصالون فى انتظار سارة وانا لا أجد كلام أقوله لها.. شكلي بجد وحش جداً

هي عندها حق.. لكن لمّا في أول مشكلة بيننا تقول لي انا مش عاوزاك ازاي الحياة ح تستمر بعد كده؟؟ fdgd

كان ممكن تعاتبنى و حتى تتخانق معايا 306_2 بيني وبينها لكن تبيعني كده على طول؟كده برضه يا سارة تتخلى عنى علشان الفلوس 4_9_8 ؟


عمر





دخلت على عمر وسلمت عليه فى فتور وطلبت من ماما وبابا انهم يتركوني اتحدث معه بدون مقاطعة علشان ماما كانت ناوية تطلّع كل غضبها فيه shuttt

دخلتُ الصالون بدون ولا كلمة وتوقعت ان يعتذر لي عمّا حدث فوجئت به يقول لي بغضب: انتي مش بتردّي على تليفوناتي ليه وكمان تقوليلي انا مش عاوزاك كل ده علشان الفلوس ياسارة ؟

فوجئت برد فعله الغاضب.. هوّ كمان اللي زعلان؟! bnhk .. ده بدل ما يصالحني ؟

فلوس ايه اللى بتتكلم عليها يا عمر؟.. انت حتى مش حاسس انا زعلانة من ايه ؟.. انا زعلانة لأني كنت راسمة لك صورة جميلة في خيالي وفجأة لقيت واحد تاني انا ما اعرفوش انسان مش بيدافع عني فى وقت انا محتاجالك فيه لقيتك خايف تقول ولا كلمة ولو حتى انك تراضيني والسلام.. وكل ده وتقولّي فلوس fdgd ؟

رد بغضب أشد وعصبية مخيفة : برضه ده مش مبرّر انك تقولي انك مش عاوزة الشبكة ومش عاوزاني

oops فوجئت بغضبه الشديد وعصبيته الكبيرة وأحسست بخوف منه لأول مرة

ولم أجد ما أقوله فانفجرت فى بكاء مري cry_2 ر

فوجدته يخفض من صوته وتلين ملامحه وتتحول الى رقة شديدة وحنان كبير وكأنه اب يخاطب طفلته الصغيرة الباكية: انا اسف جدا ياسارة.. ارجوكي ما تبكيش .. دموعك غالية عليّ جداً.. خلاص بقى انا غلطان.. أرجوكي كفاية انا مش قادر استحمل.. أنا فعلا جرحتك ووضعتك فى موقف محرج بس والله غصب عني.. أرجوكي ياسارة عاقبيني بأي عقاب الا انك تبكي أنا ضعيف جداً امام دموعك.. خلاص بقى انا آسف آسف آسف.. مليون آسف cbhd

هدئت قليلا من كلماته الرقيقة واحساسه بالذنب وشعرت بحنانه الكبير الذى احاطنى بدفئه وقلت له بصوت متقطع: كان ممكن يا عمر تنبهني قبل ما نشتري حاجة بالموقف وانا عمري ما كنت ح احرجك واختار حاجة غالية ابداً لكن لما الاقيك حتى مش بتتكلم ده فعلا صعب عليّ.. انا طول عمرى راسمة فى خيالي صورة للرجل انه حنان واحتواء وقوة شخصية انا ممكن اتنازل عن اي ماديات لكن الصفات دي لا يمكن اقدر


ساره
انا اسف جداً.. بس بجد ما تظلمِنيش.. انا عمر شخصيتي ما كانت ضعيفة وعمر والدتي ما اتحكمت فيّ ابداً.. انا كمان فوجئت بموقفها وعاتبتها عليه في البيت لكن انا
مفيش في ايدي حاجة هم من سيشترون وأخجل ان اطلب المزيد وأخجل ايضا ان احرج امي امام الناس.. لكن أوعدك الف وعد اننا سنتشارك ونتفق على كل خطوة انا وانتي بس قبل تدخل الأهل وعمرى ما ح اتخلى عنك ولا ازعلك ابدا ابدا خلاص اتفقنا ؟ raya

ابتسمت من رقته وصراحته وقلت من بين دموعي: خلاص اتفقنا وانا اسفة انا كمان لو كنت جرحتك ghry5 gdfygr

نظر عمر الى عينيّ مباشرة وقال: لما قلتيلي انا مش عاوزاك حسّيت ان الدنيا خلاص انتهت .,.lk واني معقول ح اعيش من غيرك؟ واني مش قادر افكر ولا اتكلم ولا انام.. ارجوكي يا سارة اوعي تقوليها تاني ولا حتى وانتي زعلانة.. وان كان على الشبكة يا ستي انا لو كانت دي فلوسي كنت جبت لك جواهر الدنيا كلها ورميتها تحت ايديكي ولا انى اشوف دموعك الغالية دى تاني I love you

ساره : خلاص ياعمر انا بجد مقدرة موقفك ومفيش مشكلة خلاص

عمـر: لا يا ستي فيه مشكلة ومشكلة كبيرة كمان


ساره: إييييييييييييييييه تاااااااااااني utu67 ؟؟؟؟؟؟؟؟

عمـر: المشكلة دلوقتي يا ستي اني لاحظت انك بتبقي زي القمر بعد البكاء فأنا ح اضطر – غصب عني والله – اني انكد عليكي يومياً.. حالياً وبعد ما نتجوز يمكن نوصل للقسم علشان أشوف عنيكي الجميلة دي بالصفاء والجمال ده

ساره: يا خبر إيه ده كله ؟لا انت أسهل تقول لي أعيّط امتى وانا اعيّط من غير نكد ولا اقسام

عمـر: لسه فيه مشكلة كمان

ساره: يارب استر ايه كمان ؟؟؟؟؟؟؟؟؟

عمـر: بصي بقى يا ستي انا اتخذت قرار لا رجعة فيه ولا جدال ولا حتى استعطافات.. إن حفلة خطوبتنا تكون بعد اسبوعين علشان تلبسي دبلتي للأبد واقول لكل الناس القمر ده ملكي انا.. واكتب على قلبي لوحة مكتوب فيها قلب مسكون بأجمل ملاك للأبد.. قلتي ايه يا حبيبتي؟

smiles55 ساره: موافقة يا سى السيد
bye

_________________





Back to top Go down
View user profile http://pharosdent.forum.st
esraa_english
دكتور ممتاز
avatar

Female Number of posts : 594
Age : 27
العمل/الترفيه : لســــــــــــــــــة طالبــــــــــــــــــة
المزاج : أفتخر أنى مسلمة
Reputation : 0
Points : 207
Registration date : 2008-11-25

PostSubject: Re: يوميات اتنين مخطوبين..متجدد ان شاء الله   Sun Mar 15, 2009 9:48 pm

يااااااااااااااااااااااااااه على طولة بالك يا اسماء cdfr
متخليهم يتجوزوا ويريحونا بقى
tyu76y
بدل حرقة الدم دى
يلا قولى ان الحلقة الجاية هيتجوزا بقى
lol!
Back to top Go down
View user profile
Dr Senna
Admin
avatar

Female Number of posts : 1228
Age : 28
العمل/الترفيه :
المزاج : تمام والحمد لله
Reputation : 9
Points : 701
Registration date : 2008-10-22

PostSubject: Re: يوميات اتنين مخطوبين..متجدد ان شاء الله   Wed Mar 18, 2009 10:15 am

يابنتي ده أحلي حاجه الشد والجذب ده

خليهم يعيشوا أيامهم

وحتي لما اجوزهم

هتلاقي جزء تاني وهم متجوزين

وهغلبك برضه

lol!

_________________





Back to top Go down
View user profile http://pharosdent.forum.st
thequeen
دكتور نشيط
دكتور نشيط
avatar

Female Number of posts : 210
Age : 26
العمل/الترفيه : طالبة
المزاج : الحمد لله ماشى الحال
Reputation : 7
Points : 239
Registration date : 2009-02-03

PostSubject: Re: يوميات اتنين مخطوبين..متجدد ان شاء الله   Sat Mar 28, 2009 4:00 pm

اسماااااااااااااااااء كملى الموضوع
علشان معملش معاكى حاجات مش كويسه
ومش عاوزه اسيح عالمنتدى shuttt
Back to top Go down
View user profile
Dr Senna
Admin
avatar

Female Number of posts : 1228
Age : 28
العمل/الترفيه :
المزاج : تمام والحمد لله
Reputation : 9
Points : 701
Registration date : 2008-10-22

PostSubject: Re: يوميات اتنين مخطوبين..متجدد ان شاء الله   Sun Mar 29, 2009 9:47 am

يا خبر اسوح cdfr

طيب فكري تعملي حاجه كده 22_3

وعموما علشان تعرفي ان انا مش بخاف

هنزل الحلقه الجديده

dgrdtre

_________________





Back to top Go down
View user profile http://pharosdent.forum.st
thequeen
دكتور نشيط
دكتور نشيط
avatar

Female Number of posts : 210
Age : 26
العمل/الترفيه : طالبة
المزاج : الحمد لله ماشى الحال
Reputation : 7
Points : 239
Registration date : 2009-02-03

PostSubject: Re: يوميات اتنين مخطوبين..متجدد ان شاء الله   Sun Mar 29, 2009 12:56 pm

فين الحلقه يا حاجه
بقى كدا ماشى
هوريكى shuttt
Back to top Go down
View user profile
Dr Senna
Admin
avatar

Female Number of posts : 1228
Age : 28
العمل/الترفيه :
المزاج : تمام والحمد لله
Reputation : 9
Points : 701
Registration date : 2008-10-22

PostSubject: Re: يوميات اتنين مخطوبين..متجدد ان شاء الله   Tue Mar 31, 2009 10:09 am

الحلقه (18)












(ادى اخرة اللى يسمع كلام العيال 00 معقول تلحق نجهز كل حاجة فى الكام يوم دول ؟ الله يسامحك يا سارة !! oops هذه كانت عينة صغيرة من القذائف التى تنهال على رأسى كل دقيقة dfgyj من أمى وابى بعد ما أقنعتهم بكل وسائل الزن والالحاح المعروفة عند البنات ان تكون حفلة خطوبتنا انا وعمر بعد اسبوعين ( يعنى أكسر كلام سى السيد ؟ raya !! وبعد صاعقة المفاجأة التى هبطت على رأس أمى وأبى من الميعاد المفاجىء العيالى على حد وصفهم وبعد الزن المتواصل من جانبى وافقوا على مضض 303 على ان تكون حفلة فى بيتنا على الضيق تجمع الأسرتين فقط 000وأعجبنى الحل ده جدا لأنى أصلا لا أحب حفلات الخطوبة فى الأماكن العامة لأن العروسين لا يكونوا يربطهم شىء وفى بداية التعارف 000 يبقى ليه بقى نفرج الدنيا كلها علينا مش يمكن ما يحصلش نصيب bjghjk ؟؟؟

سارة





( الخطوبة فى البيت ؟ 000 ليه بقى ان شاء الله هو احنا عندنا كام عمر ؟ ما ينفعش الكلام ده ابدا fdgd !!!) هذه كانت عينة صغيرة من القنابل التى كانت تلقيها أمى على أذنى dfgyj 306_2 ندما علمت بموضوع حفلة الخطوبة المنزلية 000 ولما كنت لا أريد ان تتكرر مأساة الشبكة مرة أخرى 00 أخبرت أمى انى انا وسارة متفقين على هذا ولا داعى أبدا ان تفتح هذا الموضوع معهم 00 وبعد الحاح وزن كبير جدا وافقت على مضض مشيرة الى انى من دلوقتى ح امشى ورا كلام الست هانم cdfr !!! طبعا عملت نفسى مش سامع ولا عارف مين هى الست هانم المذكورة وربنا يستر !!

عمر






بجد انا مجنونة انى وافقت عمر طب هو ح يشترى بدلة فى نصف ساعة طب وانا ح اعمل ايه فى الفستان ؟ ده حدوتة كبيرة جدا
وللأسف لم اجد فى الجاهز شىء يناسبنى 00 بعد ما تطوعت صديقة مقاتلة لى boxe ن تلف معى على المحلات وبعد 3 ايام متواصلة من اللف المتواصل وبعد ما اصابنا كساح وشلل رباعى nuty razz من كتر المشى توصلنا الى نتيجة رائعة ان كل ملابس السواريهات الان مصممة للسباحة وليس للحفلات ما شاء الله كله عريان جدا جدا وكأن الطبيعى جدا ان البنات تلبس الكوارث دى !!! وكل ما كنت أسأل على شىء يصلح للمحجبات كانت البائعة تخرج لى شىء ملائم تماما لماما أو لحماتى العزيزة 4_9_8 لكن شىء شبابى محتشم لاااااااااااااااااا يمكن لييييييييييه مااااااااااعرفش ؟!!!!

سارة






والله ويقيت عريس يا واد يا عمر bizar !! قالها صديقى وانا اقيس البدلة الفاخرة التى اشتريتها بتحويشة العمر00وجدناها فورا المحل الذى اتعامل معه دوما بس لسه الكرافتة قال البائع انها موجودة فى الدور التانى من المحل 00 ياااه لسه ح اطلع ده مفيش اسانسير 00 الظاهر الجواز ده كله ارهاااااااااااااااااااااااااق !!!!

عمر





(خلاص بقى كفاية عياط موتى نفسك يا بنتى خلاص فصلي الفستان ويارب صاحبة الاتيليية ترضى تخلصه بسرعة !!) قالتها لى ماما بعد ساعتين من الزن المتواصل وانا احكى لها رحلتى الفاشلة اليومية بين المحلات وقد تورمت اصابع قدمى واصبحت فى حجم الكورة الشراب hairyy 00 واكيد صديقتى ح تقطع علاقتها بى بعد العذاب اللى وريتهولها والكساح الذى أصابها 000 لا وح اتفرس انى اتصلت بعمر لقيته صاحى من النوم تعبان علشان نزل اشترى البدلة فى ساعة الا ربع scratch !!! لا صحيح بجد الرجالة دول بيتعبوا !!!

ساره





انا مش عارف سارة مكبرة موضوع الفستان ليه no comment ما أى حاجة وخلاص صحيح البنات دول فاضيين ورايقين اوى 000 وبعدين ح تفصله اخيرا وما رضيتش تقول لى لونه ايه علشان المفاجأة ربنا يستر ويليق على البدلة أحسن يبقى شكلنا اخر بيئة بجد البنات دول عليهم تقاليع عجب !!!!!!!!

عمر




أمامى ألف مجلة أختار منها الموديل وفى الاخر رميت كل المجلات وأخرجت قلم وورقة وقعدت أرسم مليون تصميم وكلهم طلعوا وحشين جدا hairyy 000 ياربى ليه البنات على طول تعبانين فى كل حاجة من ا لصغيرة للكبيرة ؟ انا ح اسيب صاحبة الاتيليية تختار حاجة مناسبة لى وخلاص هو يعنى فرح الأميرة ديانا ؟؟؟؟ قلتها فى سرى وهى تجلس أمامى من عشر ساعات تنتظر اختيارى النهائى وهى ح تطق منى 000 وبعد طول عذاب منى اختارنا الموديل انا وهي وتنفسنا الصعداءهى تكاد تطردنى من المحل وتقول بابتسامة طهقانة 22_3 ( والفرح امتى ان شاء الله يا عروسة ؟) رديت وانا اكاد اجرى من أمامها من رد فعلها المتوقع ght ( بعد عشر ايام !!!) 0000000000 ايييييييييييييييييييييييييييييييييه مووووووووووووووووووش ممممممممممممكن ابداااااااااااااا bnhk

سارة






ح اضطر اسيب ذقنى ما احلقهاش اليومين دول ولا شعرى كمان واستحمل التريقة من اصحابى والعيلة عندنا 00 يالا اهو اااااااالواحد لازم يضحى ويتعب علشان يتجوز !!

عمر







خلصت كل انواع الماسكات والسنفرة والكريمات المعروفة والمجهولة واى واحدة تخبرنى عن وصفة للبشرة او الايدين اجربها فورا 00 واصبحت غرفتى مطبخ به اعاجيب الدنيا السبعتاشر من قشر خوخ 00بياض بيض 00جلسرين وليمون 00 زبادى وعسل واى شىء اجده فى التلاجة عند ماما انقض عليه فورا واجرى عليه تجاربى الجهنمية !! انا عاوزة اعرف كل االبنات بيتعذبوا العذاب ده ولا انا بس اللى لاسعة 00

سارة




انتهت حلقه اليوم:::::والمره الجايه مع (يوم الخطوبه .. هاروح الحق مكان علشان اتصور معاهم ersa


ولا تزعلي يااااااااااااااااااااااااااااا كوييييييييييييييييين
with tongue




bye


_________________





Back to top Go down
View user profile http://pharosdent.forum.st
thequeen
دكتور نشيط
دكتور نشيط
avatar

Female Number of posts : 210
Age : 26
العمل/الترفيه : طالبة
المزاج : الحمد لله ماشى الحال
Reputation : 7
Points : 239
Registration date : 2009-02-03

PostSubject: Re: يوميات اتنين مخطوبين..متجدد ان شاء الله   Wed Apr 01, 2009 11:05 am

تسلمى يا سمسم
ويارب ماتحرمش منك ابدا ولا من عمر وساره
Back to top Go down
View user profile
Dr Senna
Admin
avatar

Female Number of posts : 1228
Age : 28
العمل/الترفيه :
المزاج : تمام والحمد لله
Reputation : 9
Points : 701
Registration date : 2008-10-22

PostSubject: Re: يوميات اتنين مخطوبين..متجدد ان شاء الله   Thu Apr 02, 2009 2:14 pm

أي خدمه يا باشا

بس ابقوا تعالوا كل يوم


lol!

_________________





Back to top Go down
View user profile http://pharosdent.forum.st
thequeen
دكتور نشيط
دكتور نشيط
avatar

Female Number of posts : 210
Age : 26
العمل/الترفيه : طالبة
المزاج : الحمد لله ماشى الحال
Reputation : 7
Points : 239
Registration date : 2009-02-03

PostSubject: Re: يوميات اتنين مخطوبين..متجدد ان شاء الله   Fri Apr 03, 2009 3:23 pm

طب فين الحلقه بقى
انتى بتضحكى عليا[b]
Back to top Go down
View user profile
Dr Senna
Admin
avatar

Female Number of posts : 1228
Age : 28
العمل/الترفيه :
المزاج : تمام والحمد لله
Reputation : 9
Points : 701
Registration date : 2008-10-22

PostSubject: Re: يوميات اتنين مخطوبين..متجدد ان شاء الله   Sun Apr 05, 2009 10:28 am

ترتيبات يوم الخطوبة
أكاد افتح عيوني بالعافية وأغالب النوم بقوة وانا جالسة عند الكوافيرة
امبارح سهرت فى الاتيليه علشان أخلّص الفستان.. وكانت خناقة كبيرة بيني وبين عمر على الموبيل لما لقاني الساعة 11 لسه مارجعتش البيت رغم ان ماما كانت معايا وبابا وصلنا بالعربية الساعة 12 ونصف بعد ما خلص الفستان اخيييييييرا
ورغم كده عمر كان بيتخانق بمعدل كل ربع ساعة.. ويقولّي خلاص اللي خلص من الفستان كفاية ومش مهم الباقي وكفاية تأخير
يعنى اخده بكم آه وكم لأ ؟
يالاّ أهو تغيير برضه
طب أنا ذنبي ايه في كل الدوشة دي ؟
هو زعلان منى ليه؟
وعلشان اليوم ما يقلبش نكد أرسلت له رسالة قبل ما أروح للكوافير قلتله: انا آسفة على تأخير امبارح.. انا نفسي أكون جميلة علشان أليق بيك النهاردة
وطبعا اتصل بي فورا وكان فى منتهى الرقة
آه من عقل الرجالة ..
ساره


:رسالة سارة الجميلة امتصت كل غضبي.. فعلاً سارة ذكية جداً وبتعرف امتى توقف المشكلة بيني وبينها
انا مش مصدق ان النهاردة ح ابقى عريس بجد!!.. أصحابي كل شوية يكلموني و يبعتولي مسجات ملخصها كلها: بكرة تندم يا جميل
معقول الجواز يبقى خنقة وجحيم زي ما بيقولوا ؟
لا أعتقد.. لأن أنا وسارة متوافقين فى الشخصية وطريقة التفكير و.. والمشاعر كمان.. يبقى الفشل ح ييجي منين ؟
قمت توضئت وصليت ركعتين قضاء حاجة ان يوفقنا الله انا وسارة طول العمر

عمر



:انا بجد خلاص ح انفجر.. من 4 ساعات وانا عند الكوافيرة ولا أفعل شىء.. المحل فيه 7 عرايس غيري !!.. بجد كأننا في سيرك
الحرارة عالية جدا.. والعرايس كلهم متوترين وخايفين يتأخروا عن ميعادهم وكلهم بيتحايلوا على الكوافيرة علشان تخلّصهم كلهم مع بعض.. ازاي ما أعرفش
عملتْ لي ماسك اول ما جيت الصبح وعملت شعري رغم اني ح أغطيه!!.. يعني باختصار لسه ما عملتش حاجة خالص والساعة 4 وعمر حييجى الساعة 7
كلمني عمر وسألني: عملتي ايه؟
قلت له: ولا حاجة خالص.. وصوتي مخنوق بالبكاء
قال لي: ولا يهمك انتي قمر من غير حاجة.. طيب أكلتي حاجة ياسارة ؟
رديت باستغراب: أكل؟!.. يعنى ايه الكلمة الغريبة دي ؟

ساره



عمــر:سارة عاملة زي الأطفال.. لازم حد يتحايل عليها علشان تاكل
اتصلتْ بمطعم بيتزا وأعطيته عنوان الكوافيرة كي يرسل لها طعام.. ورأتني أمى وأنا أرتب هذا وكادت ان تنطق بعصبية جملة بها: ...ست الحسن... كالمعتاد
ولأول مرة أرى فى عينيها نظرة تشبه الغيرة
وبدل ان أعاتبها وتقلب نكد كالعادة أخذتها فى حضني وقلتلها: عارفة ياماما انا باحب سارة ليه؟.. علشان نسخة منك.. بس انتي الأصل يا جميل والباقى تقليد
فوجئت بضحكتها الصافية وهي تضمنى لها وتدعو لي بالسعادة مع سارة
ياااااخبر.. ماما بتغير عليّ ؟؟؟

عمر



:بيتزا للانسة سارة.. العريس باعتهالك -
دوت الجملة فى مركز التجميل كالرصاصة وصاحبَتها همسات وضحكات مكتومة من بقية العرايس معناها: شايفة عريسها بيحبها ازاي؟
غرقت فى الخجل من نظرات الجميع.. وفتحتها وانا اتذوق أغلى وألذ بيتزا أكلتها فى حياتي
بجد.. من يقولون ان الحب أهم ما في الحياة.. لا يعرفون شيئاً
أهم ما فيها هو الحنان
ساره

_________________





Back to top Go down
View user profile http://pharosdent.forum.st
thequeen
دكتور نشيط
دكتور نشيط
avatar

Female Number of posts : 210
Age : 26
العمل/الترفيه : طالبة
المزاج : الحمد لله ماشى الحال
Reputation : 7
Points : 239
Registration date : 2009-02-03

PostSubject: Re: يوميات اتنين مخطوبين..متجدد ان شاء الله   Sun Apr 05, 2009 9:17 pm

الله على الحب والحنان
بس فين الحاجات دى فالواقع دول بيضحكو علينا
Back to top Go down
View user profile
amira abdulhalim
دكتور ممتاز
avatar

Female Number of posts : 594
Age : 29
الموقع : alex
العمل/الترفيه : doc
المزاج : I love my lovely baby so much
Reputation : 1
Points : 43
Registration date : 2008-10-25

PostSubject: Re: يوميات اتنين مخطوبين..متجدد ان شاء الله   Tue Apr 07, 2009 8:23 pm

طبعا عاوزه اقولك ان الحلقتين احلى من بعض
اما بقى الانسه كوين ففي فعلا حب وحنان كده
بس الشاطر اللي يختار صح
وبعيدن الحب مش بيجي في اول مره من الارتباط لاء
الحب بيجي بعد مامرحله التفاهم تتم هنا حتلاقي نفسك بتحبيه وبيحبك
زي ماحصل مع عمر وساره بالضبط
دوك سمسم اشكرك عل القصه الجميله دي
ومستنين الحقلات القادمه

Back to top Go down
View user profile
Dr Senna
Admin
avatar

Female Number of posts : 1228
Age : 28
العمل/الترفيه :
المزاج : تمام والحمد لله
Reputation : 9
Points : 701
Registration date : 2008-10-22

PostSubject: Re: يوميات اتنين مخطوبين..متجدد ان شاء الله   Wed Apr 08, 2009 10:25 am

يسلموا الردود يا شباب
وصدقيني أماني أكيد في حنان بس زي ما أميره قالت ألاختيار الصح ... وربنا يوفق الجميع
الجـزء العـاشر


الساعة 6 وانا عند الكوافير الرجالي.. خلاص خلّصت كل شىء.. واديتها جل على شعري والبرفان الجامد جدا ولبست البدلة وكله تمام
ايه الشياكة دي يا واد يا عمر؟
صديقي ذهب يزيّن العربية وسيأتي بعد نصف ساعة كي نأخذ سارة من الكوافير الساعة 7 تماما
مش عاوز أتأخر عليها أحسن تزعل مني

عمر


ياستي انا ميعادي كمان ساعة ولسه ما عملتش حاجة خالص
قلتها للكوافيرة وانا أكاد أبكي.. ردت عليّ ببرود كبير معتادة عليه: لسه 3 عرايس وبعدين انتي!! ما تقلقيش ياعروسة
يالهوي.. 3 عرايس ؟!!!!!!!!!!!.. ده انا ح أخلص الساعة 12 ان شاء الله !! وصوت الموبيل لا يتوقف عن الرنين من عمر وماما
الكل بيستعجلني وكأن الذنب ذنبي.. ارتديت الفستان ومن عصبيتي جزء صغير منه اتقطع من الذيل؟.. آه فعلاً هذا ما ينقصني الآن
انطلقت صديقتى تبحث فى المحلات المجاورة عن ابرة وخيط بلون الفستان كأنها تبحث عن ابرة فى كوم قش.. وأخيرا جاءت وحاولنا محاولات مستميتة ألا يظهر هذا العيب.. يارب استر يارب


ساره



الساعة 8 ونصف وانا واقف أمام مركز التجميل انا وأصدقائي وبعض من أهل سارة
همّ بيعملوا ايه جوة بالضبط ؟
ولاحظت وجود عدة سيارات مزينة وعرسان مثلي والجميع منتظر الفرج وكأننا فى كرنفال وكل ما تخرج عروسة من الكوافير الجميع يجري عليها.. ثم يفوز واحد بها ويتنفس الصعداء والباقي يعودون يجرون أذيال الخيبة !!! وسارة لا ترد على الموبيل ابداً


عمر


أخيرا حنّت على الكوافيرة وبدأتْ في تجهيزي والغريب اني لم استغرق معها نصف ساعة والساعة أصبحت 9 ونصف.. ونظرت الى وجهي فى المراة بعد كل هذا التعب.. وجدت الفستان أنيق للغاية.. ووجهي لم أره بهذا الصفاء من قبل خلاص بقيت عروسة ؟؟
يارب أعجب عمر وكل الناس.. بس عمر أهم من كل الدنيا طبعاً

ساره

تسمّرت من مكاني عندما رأيت سارة تخرج من مركز التجميل.. ونسيت الانتظار الطويل والمكالمات الغاضبة من أهلي وأهلها على كل هذا التأخير
نسيت الدنيا كلها عندما رأيتها تتألق فى فستان رائع من اللون الأزرق الصافي المشغول برقة بخيوط فضية خلابة.. ووجهها لم أرْ أجمل منه فى حياتي
وكأن كل نساء الدنيا تجمعت فى امرأة واحدة
جريت عليها وهمست لها: بحبك يا سارة


عمر



_________________





Back to top Go down
View user profile http://pharosdent.forum.st
amira abdulhalim
دكتور ممتاز
avatar

Female Number of posts : 594
Age : 29
الموقع : alex
العمل/الترفيه : doc
المزاج : I love my lovely baby so much
Reputation : 1
Points : 43
Registration date : 2008-10-25

PostSubject: Re: يوميات اتنين مخطوبين..متجدد ان شاء الله   Wed Apr 08, 2009 9:34 pm

الله عليكي ياسمسم
جميل جدا
بس ياترى مافيش صوره لفستان العروسه
Back to top Go down
View user profile
thequeen
دكتور نشيط
دكتور نشيط
avatar

Female Number of posts : 210
Age : 26
العمل/الترفيه : طالبة
المزاج : الحمد لله ماشى الحال
Reputation : 7
Points : 239
Registration date : 2009-02-03

PostSubject: Re: يوميات اتنين مخطوبين..متجدد ان شاء الله   Fri Apr 10, 2009 1:39 am

الله ايه الجمال والرومانسيه دى لا انا عاوزه واحد زى عمر دا بسرعه يا سمسم
Back to top Go down
View user profile
Dr Senna
Admin
avatar

Female Number of posts : 1228
Age : 28
العمل/الترفيه :
المزاج : تمام والحمد لله
Reputation : 9
Points : 701
Registration date : 2008-10-22

PostSubject: Re: يوميات اتنين مخطوبين..متجدد ان شاء الله   Fri Apr 10, 2009 6:27 pm

معلش يا أميره

عمر غيوووووور جداااااااا ... منع التصوير ersa في الخطوبه bnhk !!

حاضر يا أماني هجيبلك utu67

" وعندك واحد " عمر " وصلحه "

with tongue

_________________





Back to top Go down
View user profile http://pharosdent.forum.st
Dr Senna
Admin
avatar

Female Number of posts : 1228
Age : 28
العمل/الترفيه :
المزاج : تمام والحمد لله
Reputation : 9
Points : 701
Registration date : 2008-10-22

PostSubject: Re: يوميات اتنين مخطوبين..متجدد ان شاء الله   Tue Apr 14, 2009 8:12 pm

حفلـة الخطوبـة






جالسة انا بجوار عمر وأشعر بمشاعر غريبة كلها متناقضة
فرحة وخوف وقلق وترقب
اول مرة اكون محط انظار الجميع لدرجة التحديق فى كل تفاصيل مظهري
هو شعور جميل ولكنه يدعو للقلق.. ولكن لا يهم
المهم اني أعجبت عمر وانه سعيد بي جداً وحماني من نظرات الغضب التى هاجمتني عتاباً لي على تأخيري
المنزل مزيّن بزينات واضواء رقيقة.. متى زينوه هكذا ؟
وافراد الأسرتين موجودين والجميع سعيد والزغاريد لا تتوقف ماعدا حماتي العزيزة بالطبع
قبّلتني ببرود ولامتني على تأخري ولاحظت انها طوال الوقت تهمس فى أذن ماما بكلمات غريبة آه لا اريد ما يعكر صفوي الآن فلتقل ما تريد
انا وعمر معا والدنيا كلها ملكنا وحدنا

ساره




سارة فاتنة هذه الليلة
كم احب هذه البنت الجميلة الشقية التي دخلت حياتي فجأة بدون سابق انذار فقلبتها رأساً على عقب.. وفى اسابيع قليلة أصبحت تملك مفاتيح القلب وتطرق أبواب الروح وتتسلل الى أركان عقلي فتحتله كما يتسرب الماء الصافي الى الأرض الجافة فيرويها
أصبحتْ أهم انسانة لي فى هذه الدنيا
هل سنعيش معا سويا للأبد ؟
آه كم اتمنى هذا
وهل ممكن ان يتحول هذا الحب الى مشاعر الملل والرتابة فى الزواج ؟
وكيف يقرر الانسان فجأة ان يكمّل حياته كلها مع انسان واحد لم يعرفه الا منذ ايام قليلة؟
انه أمر صعب لو كان بيد الانسان
من المؤكد أن مباركة الله للزواج هى ما تيسر هذا وانه سبحانه وتعالى هو من يؤلف بين القلوب فيجعل الغريب حبيباً


عمر


الحمد لله انى أصريت على تأجيل كتب الكتاب لفترة.. لا أتخيّل ان يعقد قراني اليوم على انسان لم اره سوى من اسابيع قليلة
صحيح اني أحببت عمر ومقتنعة به ولكن لا أستطيع حاليا تقبل فكرة الارتباط الأبدي بهذه السرعة
الموسيقى تنساب بقوة والزغاريد تحيط بنا من كل مكان.. شعوري لا أعرف كيف أصفه
فعلا البنت لا تكتمل وترتوي الا فى وجود رجل يحبها
حانت لحظة شرب الشربات.. يارب عمر لا يسكب على فستاني منه كما أسمع كثيرا
الحمد لله سقاني بسلام.. حان دوري لأسقيه انا الاخرى
أخ وقعت قطرات على قميصه الناصع ورمقني بغضب شديد وصرخ فيّ: مش تخلّي بالك يا سارة؟

ساره

أخخخ.. ماذا فعلت ؟
الجو تكهرب فجأة من صرختى الغاضبة فى سارة والجميع صمت ونظر لسارة التى تكاد تبكي من شدة الخجل والاحراج
لماذا تهوّرت هكذا ؟ أكيد سارة ح تزعل وعندها حق
انا آسف يا سارة.. بجد آسف
سارة لا ترد عليّ وتتظاهر بالتشاغل مع صديقاتها اللاتي أدركن الموقف وتجمعن حولها يضحكون كي يخففوا عنها الاحراج
لازم ابطل العصبية والتهور.. أصبح لي شريك فى حياتي الان قد لا يتقبل كل تصرفاتى
خلاص يا سارة انا اسف بقى


عمر

انا آسف يا سارة !!؟ -
يا سلام بعد ما أهنتني أمام الناس؟ لماذا لم تمسك أعصابك أمام هذا الخطأ الغير مقصود؟
هل هذا هو طبعك؟
لا يمكن ان أتحمله ولابد أن تكون خلافتنا بيننا وحدنا لا أن يكون الجميع طرف بها.. بجد يا عمر لن أتنازل عن هذا أبدا
قلت هذا كله لعمر وانا ارسم ابتسامة زائفة أمام الناس كي لا يلاحظوا الخناقة الدائرة بيننا
وبادرني عمر بالاعتذار وعدم تكرار هذا.. وأخذت وقت كي أظهر طبيعية.. وحان وقت ارتداء الشبكة وأصريت ان تلبسني اياها والدة عمر.. من ناحية هو لم يصبح زوجي ومن ناحية أخرى انا لسه زعلانة منه

ساره
يا سلام ماما هيّ اللي ح تلبّس سارة الشبكة ؟ ايه الهنا ده ؟ يالا يبقى القميص والشبكة
طب مين ح يلبّسني الدبلة بتاعتي؟.. البوّاب؟
ألبست ماما سارة الطقم الذهبي ثم أوقفْتها باشارة من يدي وأخذت دبلة سارة واقتربت منها ورجوتها وهمست لها: علشان خاطري يا سارة انا نفسي أظل أتذكر هذه اللحظة وانا أضع اسمي حول أصبعك للأبد.. أرجوكي علشان خاطري.. لن ألمس يدك أساساً.. ألف مبروك يا حبيبتي


عمر

حبيبتي؟
اول مرة أسمعها منك يا عمر
....والله انت اللي
الله الدبلة شكلها جميل جدا فى اصبعي.. أجمل من ايّ خاتم امتلكته فى حياتي.. وكفاية ان عليها اسم عمر كي تكون أغلى دبلة فى الوجود
ألبسته بدوري دبلته المحفور عليها اسمي ونحن نطير سوياً فى دنيا خاصة بنا.. ونسمع موسيقى تعزفها قلوبنا ونخطو خطواتنا الاولى نحو دنيانا الجديدة
دنيا محفور على بابها.. اسمينا فقط
سارة وعمر
ساره




يارب الحلقه تكون عجبتكم

أشوفكم الحلقه الجايه ان شاء الله


dgrdtre

_________________





Back to top Go down
View user profile http://pharosdent.forum.st
amira abdulhalim
دكتور ممتاز
avatar

Female Number of posts : 594
Age : 29
الموقع : alex
العمل/الترفيه : doc
المزاج : I love my lovely baby so much
Reputation : 1
Points : 43
Registration date : 2008-10-25

PostSubject: Re: يوميات اتنين مخطوبين..متجدد ان شاء الله   Wed Apr 15, 2009 8:21 pm

طبعا ياسمسك عجبتني
انا بحس اني انا اللي بتخطب قلبي بيطير معاها
يلا بقى ماتغبيش عليتا في الحلقه الجاايه
Back to top Go down
View user profile
thequeen
دكتور نشيط
دكتور نشيط
avatar

Female Number of posts : 210
Age : 26
العمل/الترفيه : طالبة
المزاج : الحمد لله ماشى الحال
Reputation : 7
Points : 239
Registration date : 2009-02-03

PostSubject: Re: يوميات اتنين مخطوبين..متجدد ان شاء الله   Thu Apr 16, 2009 9:37 pm

ايه الجمال دا يا سمسم
بجد الواد عمر دا تحفه
يالا ربنا يرزقنا
Back to top Go down
View user profile
Dr Senna
Admin
avatar

Female Number of posts : 1228
Age : 28
العمل/الترفيه :
المزاج : تمام والحمد لله
Reputation : 9
Points : 701
Registration date : 2008-10-22

PostSubject: Re: يوميات اتنين مخطوبين..متجدد ان شاء الله   Fri Apr 17, 2009 5:56 pm

الجـزء الحادي عشر




استقرت حياتي انا وعمر بعد الخطوبة الرسمية وشعرنا سويا باستقرار نفسي كبير l'po
أصبح لكل منا شريك يستريح على شاطئه ويلقي على كتفه همومه.. أصبحت لا أخجل من وجود رجل فى حياتي..أكلمه على الملأ أمام أبي وأخوتي وأتحدث عن آراءه وأفكاره وأستشهد بها بدون خجل
وهل يخجل المحامى عندما يستشهد بمواد القانون ؟ oops l'po .. وان كان الأمر لا يخلو من المشاحنات والخلافات البسيطة التي تزداد بعصبية عمر التي تشتعل سريعا وتخبو سريعا utu67 ولكني أخاف كثيرا من هذه العصبية والتسرع فى رد الفعل الخاطىء له فى أحيان كثيرة.. ومما يزيد عصبيته عنادى الطفولى الذى هو من أبرز عيوبي للأسف bjghjk

ساره







شعور جميل ان يكون لك صديق وحبيب في حياتك تتبادل معه الأخبار والأوجاع والضحكات Embarassed
أشعر أنني قبل معرفتي بسارة لم أكن موجودا فى هذه الحياة
أشعر معها وكأنني طفل صغير يعود سريعا فى نهاية يومه ليقص على أمه كل ما حدث له فى يومه.. أحب ردودها التلقائية وضحكاتها البريئة وخوفها الطفولي عندما يرتفع صوتي فى عصبية ولا أطيق غضبها مني وأبادر دوما بمصالحتها
كم أحب وجودك معي يا سارة smiles55


عمر





لاحظت أن أكثر أوقات خلافنا أنا وعمر هي عند عودتي من عملي فى الرابعة.. ولو اتصل بى ووجدني نائمة أو رددت عليه فى تعب يختلق أي مشكلة تافهة ويغضب عليها 306_2
هل يغار عمر من عملي ؟ أم من انشغالي عنه لمدة ساعات في اليوم ؟؟
fh رغم اني أحادثه من عملى تليفونيا وأصلاً عملي من الثامنة حتى الرابعة زي ناس كثيرين جدا
أمّال لو كنت طبيبة وأبات فى المستشفى كان عمل ايه؟.. أكيد كان انتحر ( ربنا يستر علينا lol! )
راودتني شكوك حول الموضوع ده واشتكيت لأمي فقالت لي:
طبيعة الرجل دوما أنانية لا يريد أن يشغلك عنه أحد أخر حتى لو كان عملك ونجاحك.. استحملي يا بنتي ولا تفتحي معه هذا الموضوع حتى يفتحه هو ( اهي دي الامهات ولا بلاش )
ولم أنتظر طويلا حتى جاء يوم وكلمني فى التليفون بعد عملي كالمعتاد وكنت ح أموت وأنام ساعة فكنت أرد عليه سريعا فلاحظ ذلك وقال لي مباشرة : سارة انتى الشغل ده مهم عندك أوي ؟
قلت: يعني ايه مهم يا عمر؟.. هوّ يعني فستان آخده ولا اسيبه ؟.. ده شغلي ونجاحي.. وبعدين قصدك ايه ؟
رد عليّ بحدة:
قصدى انك ياريت تسيبيه بعد الزواج وياريت من دلوقتي رددت عليه بذهول: بتقول ايه يا عمر ليه ده كله ؟ هوّ شغلي مضايقك في ايه بس ؟
قال عمر: أنا ما أحبش مراتي تشتغل وترجع البيت الساعة خمسة وتتبهدل فى المواصلات.. علشان ايه ده كله ؟
قلت له في صوت عال بعض الشيء: طيّب ما قلتش ده ليه قبل الخطوبة ؟ واتقدمت ليّ ليه أصلا وانت عارف اني باشتغل ؟
فوجىء عمر من رد فعلي الهجومي وكأنه كان يتوقع الطاعة المطلقة: يعني لو كنت قلت لك ده قبل الخطوبة كنتي ما وافقتيش عليّ ؟
رددت بعناد وبتسرع: طبعا
صمت عمر وتألم من ردي القاسي ولم يرد حاولت تهدئة الجو قبل أن تثور ثائرته وقلت له: ياعمر من فضلك افهمني.. ليه دايما الرجل اول ما يشوف بنت وتعجبه يعجبه نشاطها ونجاحها فى العمل وطموحها وثقافتها ويتقرب لها من الجانب ده.. ولمّا خلاص تصبح ملكه يسعى جاهدا ان يجعلها صورة من جدته لا تخرج ولا تعمل ولا تبدى اى آراء الا من خلاله؟.. ثم بعد هذا يشتكى من تغيرها بعد الزواج
رد عمر: أنا مش عاوز أخليكي زي جدتي ولا حاجة.. أنا بس مش عاوزك تشتغلي.. فيها حاجة دي؟
فقلت أنا: كان مفروض تكون صريح معايا اول ما اتقابلنا وتقول لي الكلام ده وانا اللي اقرر حياتي ح تكون ازاي معاك واما اوافق او ارفض.. لكن انت كده بتضعني امام الأمر الواقع
رد بعصبية كبيرة: يعنى انا خدعتك يا سارة؟.. قصدك كده؟
حاولت تهدئته فقلت له: يا سيدي ولا خدعتني ولا حاجة.. طب انت ايه اللى مضايقك من شغلي؟
قال: تقدري تقوليلي لما نتجوّز ح تراعى البيت ازاي وانتي بترجعي المغرب.. ولما نخلّف ح تسيبي البيبي فين الوقت ده كله؟
رددت عليه: هوّ أنا اول انسانة فى الكون بتشتغل؟.. اكيد كل دي حياة ملايين السيدات مش انا بس؟
قال بضيق: أهو انا باتضايق من عنادك ده يا سارة hairyy
استفزتني الكلمة فقلت: ده مش عند.. ده حق ليّ اني اكون ناجحة bnhk .. المفروض وجودنا فى حياة بعض يخلّينا احنا الاتنين ناجحين مش واحد ينجح والتاني يكون مجرد ظل باهت للاخر وخلاص
قال بعصبية: يعنى انتى مش عاوزة تسمعي كلامي؟
رددت بعناد كبير: اسمع كلامك لما يكون فيه منطق.. لكن لما يكون تحكّم وخلاص وفرض رأي انا آسفة tru68i76 .. مش ح اقدر أسيب شغلى بدون مبررات كافية
قال: ده اخر كلام عندك ؟
أحسست ان كلمته دي بداية مشكلة كبيرة 4_9_8 ومع ذلك رددت بعناد كبير: ايوة
وانتهت المناقشة بقوله:
خلاص انتي اللى اخترتي يا سارة

مش عارفه ليه كل ماتبدأ الامور تحلو ... دايما يطلع شئ من تحت الارض ويبوظ كل شئ !!! cry_2

_________________





Back to top Go down
View user profile http://pharosdent.forum.st
thequeen
دكتور نشيط
دكتور نشيط
avatar

Female Number of posts : 210
Age : 26
العمل/الترفيه : طالبة
المزاج : الحمد لله ماشى الحال
Reputation : 7
Points : 239
Registration date : 2009-02-03

PostSubject: Re: يوميات اتنين مخطوبين..متجدد ان شاء الله   Fri Apr 17, 2009 6:29 pm

cry_2
يا حراااام ملحقوش يفرحوا بس هما كدا الرجاله بيموتو فالتحكم والمشاكل
Back to top Go down
View user profile
 
يوميات اتنين مخطوبين..متجدد ان شاء الله
View previous topic View next topic Back to top 
Page 2 of 3Go to page : Previous  1, 2, 3  Next

Permissions in this forum:You cannot reply to topics in this forum
Pharosdent Forum :: الأبداع :: الابداع الأدبي-
Jump to: