Pharosdent Forum
Welcome at " Pharosdent " forum
plz register now
thnx

Pharosdent Forum

منتدي واحد يجمعنا كلنا
 
HomeCalendarGalleryFAQMemberlistUsergroupsRegisterLog in

Share | 
 

 مفيش حاجة ..........................

View previous topic View next topic Go down 
AuthorMessage
thequeen
دكتور نشيط
دكتور نشيط


Female Number of posts : 210
Age : 26
العمل/الترفيه : طالبة
المزاج : الحمد لله ماشى الحال
Reputation : 7
Points : 239
Registration date : 2009-02-03

PostSubject: مفيش حاجة ..........................   Fri Apr 10, 2009 10:10 pm

مفيش حاجة

مانيش عايزة خلاص حاجة
ولا محتاجة انا لحاجة
ولو عايزة صحيح حاجة
مخليتوليش ولا حاجة

عموماً بصوا فيه حاجة
هقولها بس محتاجة لعقول تفهم
ولو حاجة
مهيش مفهومة او حاجة
نفسرها بكام حاجة
نوضحها بكام حاجة
وأهى حاجة مع حاجة
هتظهر وتبان لنا حاجة

وانا ما بخفش من حاجة
مانيش مسنودة ولا حاجة
لكن ما بخفش من حاجة
لكن فرضاً لو هقول حاجة
هيحصل إيه ؟؟؟ ولا حاجة
هيعملوا إية ؟؟ ولا حاجة

و بعد الشر بعد الشر لو واحد من القاعدين
من السامعين من الضالين
فِهِم حاجة هَيعملوا إيه ؟؟؟؟
اكيد برضُه ولا حاجة

فنتوكل على الستار لوجه الله نقول حاجة

فيه ناس بتعيش علشان حاجة
وناس بتموت علشان حاجة
وناس بتموت على الحاجة

وناس تديلك الحاجة
وتبقى ليها محتاجة
وناس تديلك الحاجة
و تاخد ادامها ميت حاجة

وناس تكبر تكون حاجة
و ناس تصغر علشان حاجة

وناس منظر ومش حاجة
وتلقاه كبيرحرس ونفير عليه منظر
وهو جبان وشيخ منصر
ولا يبـنش عليه حاجة

كلامى يا خلق فيه حاجة؟
لحد دلوقتى فيه حاجه؟

كلام عادى وبسيط جداً ولا فِهشِ ولا حاجة
ما انا ما أقدرش أقول حاجة
صحيح نفسى أقول حاجة وميت حاجة
لكن مش قادرة اقول حاجة

لأنى لو هقول حاجة
هييجى ناس بتوع حاجة
وياخدونى ورا الحاجة

وهو لو سمع حاجة
هيعملوهالى ميت حاجة

عموما بصو لو واحد من القاعدين
عاوزنى أبلغه بحاجة
يقول مايخفش من حاجة

نعم فيه إيه؟
لالالالالأ مافيش سرقه
ولا تهليب ولا تهريب ولا حاجة

وبتقول إيه
مصمصوا إيه؟ وخصخصوا إيه؟
ده كله كلام مفيش حاجه

قضية إيه؟
ياشيخ روح خلاص مافيش حاجه

حرامى إيه ؟ ولَكّح إيه؟وهرب إيه؟
شــفـافـيـه ومافيش حاجة

وبتقول إيه؟لالالآلأ عـــيب
لافيه تدليسولاترقيص
ولا تدبيس ولا حاجه

سمع مع هووووس
انا حاسسة انه فيه حاجة

دقيقة سكات لَتبقى حداد
انا حاسسه انه فيه حاجة

زمنكوا ياخلق فيه حاجة
ولازموا كام وميت حاجة
ده لو يعنى إذا كان فيه حاجة
انا عن نفسى مش حاسسة ولا بحاجة
ولا متضايقة ولا حاجة

سعادتك برضه مش زيـى مافيش حاجة ؟
أهـه بيقول مافيش حاجة

جنابك برضه مش زَيـىِ وعلشان زيي مافيش حاجة
أهـه بيضحك بيقول مافيش حاجة

ما أنا قولتلكو من الأول مافيش حاجة

عليا النعمه يا اخوانا مافيه حاجة
ورحمة ابويا ويا أبوك على إللّى جابوك ما فيه حاجه

وعهد الله . وعهد الله. وعهد الله
ما خللولنا ولا حاجه

بقلك ايه خلاص خلص و فركش
[/size]
يلا يا اخونا مفيش حاجه


للشاعرة\\ ايمان بكرى
[/size][/center]
Back to top Go down
View user profile
elhoutonline



Male Number of posts : 3
Age : 30
الموقع : بلا فخر في مصر
العمل/الترفيه : طالب من الله الهدايه
المزاج : تمام الحمد لله
Reputation : 0
Points : 3
Registration date : 2009-04-12

PostSubject: Re: مفيش حاجة ..........................   Tue Apr 14, 2009 12:22 am

السلام عليكم ورحمة الله وبركاته

فعلا كلام جميل اخر حاجه
ومفيش حاجه اقولها لان كل الحاجات في القصيده
ولو حتى حاولت اقول حاجه مفيش حاجه تعبر عن اي حاجه
Back to top Go down
View user profile http://www.f-law.net
thequeen
دكتور نشيط
دكتور نشيط


Female Number of posts : 210
Age : 26
العمل/الترفيه : طالبة
المزاج : الحمد لله ماشى الحال
Reputation : 7
Points : 239
Registration date : 2009-02-03

PostSubject: Re: مفيش حاجة ..........................   Tue Apr 14, 2009 12:41 pm

شكرا لمرورك
وانت نورت المنتدى يا حوت
Back to top Go down
View user profile
 
مفيش حاجة ..........................
View previous topic View next topic Back to top 
Page 1 of 1

Permissions in this forum:You cannot reply to topics in this forum
Pharosdent Forum :: الأبداع :: الابداع الأدبي-
Jump to: