من تعليقات المصريين علي الخبر
بعد سنتين من الآن سؤال في التاريخ لطلبة الثانوية العامة :
اختر الاجابة الصحيحة :
من الذي ضرب بوش بالجزمة؟
1- منتظر الزيادي
2- منتظر الاتوبيس
3- منتظر واحد صاحبي
ضربة معلم
وجون وجون وجون
ضربة جزمة متتالية جامدة جامدة جامدة
تسلم الايد الى حدفت والرجل الى لبست
عيب الكلاب تزعل
والله انت اجدع من كل اللي قاعدين على كراسي الحكم في بلادنا والي شغلتهم هي مسح الاحذية الامريكية كما يفعل المالكي وآخرين .. بس ياريت يامنتظر تعتذر للكلاب لان عيب جدا في حقهم ان تشبههم بجورج بوش.
اهم الانباء
فى مباره مصيريه سدد مهاجم الفريق العراقى منتظر الزيادى هدف الفريق الوحيد من هجمه منفرده,,
فقد سدد المهاجم الكوره((الجزمه)) فلم تصب الهدف وفى المحاوله الثانيه حول حارس المرمى الامريكى المالكى التصدى للجزمه قصدى للكوره الصاروخيه فافلتت واتجهت باتجاه بوش الواطى قصدى الذى وطى فى محوله لتفدى قوتها وقد اصيب الهدف ((العلم الامريكى))محرزا الهدف الاول والوحيد فى المباره,,
والتى رفعت راس كل عربى ,,
وقد اعرب بعض المدربين والخبراء عن استعدادهم لشراء الجزمه قصدى الكوره التى كانت تحمل الهدف العظيم الذى رفع راس العرب واذل الامريكان,,
ملحوظة هامة جدا !!!
لقد تغير اسم المخبول من جورج دابليو بوش الى جورج دابل شوز from george w bush to george double shoes !!!
خسارة
خسارة انها ماجتش فيه المرة الجاية ان شاء الله تصيب بس تكون حريمى
الله يرحمك يا سادات وقفت واستقبلت الرصاصة مش وطيت زى ناس
محدش قدر يعمل اللي عملله سيبك بقي من ديه طريقه سوقيه طريقه غير ديموقراطيه ديه طريقه الملوخيه والطعميه والمهلبيه والكلام الكتير اللي مبيأكلش عيش ده شبعنا منه خلاص
الواد لولو
بس منتظر الزايدى غلطان
لان من حقوق الإنسان أنه كان لازم يسال المعلم يحب الجزمه بانص ولا برباط
اهم حاجه اللون مش غرف علطول كده لازم يبقى فى اوبشن وبعدين ده راجل رئيس برضه لازم يضرب بمزاج
ياجماعه انا خايف
لحسن البرادعى يحرم الجزم دوليا ويقولوا انها نوويه و يخلينا نمشى حافيين. ممكن؟
يا خسارة الجزمة
الجزمة اللى اترمت ع بوش دى خسارة فية يا ريت الصحفى كان ربطها بحبل عشان متضعش لان بوش ميسواش جزمة..
جتك ضربة
الراجل بوش الجبللة قال ايه الجزمة ماجاتش فيا وهى مقاس 10 خفة اوى يا خويا والمصحف نفسى انسل على جتتك المنحسة شوال بلغ صعيدى يمكن تفوق واللى ال mum ما عرفتش تربيه تعالى يا ضنايا عندنا عشان نعرفوك مقامك اللى انضربت بيها جتك نيلة فى هبلك
1- اكد بعض المقربين من الصحفى العراقي الذى القى فردتى الحذاء على بوش انه قد حضر المؤتمر الصحفى فور عودته مباشرة من اداء فريضة الحج ... ولهذا اعتقد انه مازال فى المناسك وانه يكمل رمي الجمار
2- اكد بوش ان المخابرات الامريكيه امدته بمعلومات خاطئه عن وجود سلاح النووي بالعراق وكان عليها ان تخبره بوجود اسلحه صرماتيه حديثه عابره للمنصات
3- اكد العقيد القذافى ان الحذاء المستخدم فى الضرب صنع في ليبيا
4- الريئس الامريكي يعلن انه غير حزين لما حدث ...... فقط ياسف لان الحذاء مقاسه 10 وهذا المقاس يسبب له عصر هضم
5 – اعلن نادي دي سي يونايتد الامريكي لكرة القدم فسخه لعقد العمل الذى كان قد وقعه مع الرئيس بوش ليعمل معه بعد فترة رئاسته فى وظفيه حارس مرمي
6- اصدرت جهات امنيه عليه توصية للرؤساء والملوك بضرورة ارتداء ملابس واقيه للرصاص واقنعه واقيه للجذم
7 – لوجظ خلال الساعات القلية الماضية ارتفاع اسعار الاحذية فى مصر وقد فسر بعض المراقبين هذة الظاهرة باقبال المواطنين على الشراء للاستفادة منها وقت الحاجة ؟؟؟؟؟ فيما قال بعض الخبثاء ان اجهزة الامن المصرية والمخابرات هى التى تقوم بشراء كل المعروض من الاحذية لمنع وصولها للمواطنين
8 - صدر قرار جمهوري بان تعقد جميع لقاءات السيد الرئيس المؤمن حسنى مبارك فى المساجد
فيما اكد شيخ الجامع الازهر ان كل منطقه يوجد فيها السيد الرئيس حسنى مبارك يجب ان تكون لها حرمة المسجد واعتبارها جامع جامع جامع
سعر الدولار قبل الجذمةكان 5.52
اما سعر صرف الدولار بعد الجزمة الخمسة بباريزة وعليهم مش كبريت
بالإشارة غلى الخبر العاجل الذى نشر مؤخرا بشأن ضبط مستودع كبير للأسلحة (الجزمجاوية) علمنا أن أحد المقبوض عليهم قد ‘غعترف بأن معظم الأحذية (الموجهة)التى ضبطت فى المستودع هى من نوع (جزمة هوك 1)و (جزمة هوك 2) وانها لأحذية (ذكية) تصيب الهدف بكل دقة.
لهذا، ننصح (الزعماء) إياهم بأن يتعلموا من (الزعيم) إياه خفة الحركة ، خاصة وان معظمهم من ذوى الكروش الكبيرة. كما ننصحهم بألا يضعو أعلام بلدانهم خلفهم أثناء حضور المؤتمرات الصحفية
Mon Dec 15, 2008 10:06 pm
