esraa_english
دكتور ممتاز
 Number of posts : 594
Age : 35
العمل/الترفيه : لســــــــــــــــــة طالبــــــــــــــــــة
المزاج : أفتخر أنى مسلمة
Reputation : 0
Points : 207
Registration date : 2008-11-25
 | Subject: يبقى انت اكيد فى مصر  Thu Jan 08, 2009 4:57 pm | |
| السلام عليكم ورحمة الله وبركاته تقبلوا اسفى لو كان هذا الموضوع متكرر
بصوا من الآخر كده انا ملييش نفس اعمل أي حاجة في الدنيا يعني انا الخنقة اساسا وصلت بيا آخرها زيي زي كل الشعب المصري ...بس انا الجرعة عندي زيادة شوية ...كان فى يوم حد عندنا مشغل التليفزيون لفتت نظري الأغنية اللي شغالة ...اغنية اسمها ...يبقى انت اكيد في مصر .
في البداية طنشت شوية ...وبعدين ركزت ..وركزت اكتر لقطت كلمتين من الأغنية ما معناه ...لما الحفيد يشد ايد جده ويقوله يلا يا جدي نصلي العصر ...يبقى انت اكيد اكيد في مصر .
هاهاهاهاهاهاهاهاهاهاهاهاهاهاه والنبي ايه حلوة دي ....يعني لو عيل صغير غلط واتخبل في عقله في الصومال مثلا وقال لجده تعالى نصلي العصر ...حيبقى بقدرة قادر تنقلب الصومال مصر علشان يبقوا اكيد في مصر .
والله اللي كتب الشعر ده دماغه لاسعة ( مع الأعتذار لقارئتنا المتميزة لاسعة ) .انا بقى لا شاعر ولا بفهم في الشعر ده لكن اللي اعرفه ان عندي حاجات كتير مش ممكن بجد مش ممكن تحصل لو حصلت إنك تقول غير حاجة واحدة ....تقول يبقى انت اكيد في مصر .
لو البلد تعبانة و44% من سكانها يعيشون تحت خط الفقر وفيها عبارة غرقانة وانفلوانزا الطيور ومع كده رئيسها يطلع في حوار صحفي والمذيعة تسأله انت مرتاح لوضع البلد ...فيكون الجواب مرتاح اوي ......يبقى انت اكيد في مصر ( يلا .... حتة من ورا ظهر الرقابة واللي يلحقها يلحقها )
لو لقيت الظابط ماسك شيخ عمال يديله على قفاه في مظاهرة ....يبقى أنت أكيد في مصر .( مظاهرة من مظاهرات الأصلاح في طنطا ظهر فيها ظابط يضرب شيخ معمم ...بجلباب وكاكولا ويضربه على قفاه )
لو لقيت نص شبابنا بيضرب بانجو وحشيش عـ القمة ......يبقى أنت أكيد في مصر .
لو صندوق زبالة فاضي والناس رامية الزبالة جنبه ...يبقى أنت أكيد في مصر .
لو لقيت غطيان البلاليع في الشارع مسروقة وصناديق الزبالة مسروقة ولمض النور عـ السلالم مسروقة وشارع بحاله في محطة الرمل لبيع الموبايلات المسروقة ...يبقى أنت أكيد في مصر .
لو لقيت رغيف العيش فيه دبارة ومسمار وجناح صرصار ..يبقى أنت أكيد في مصر .
لو لقيت البطيخ مسموم والعنباية قد التفاحة والتفاحة لا طعم ولا ريحة والخوخة منقعوة في الكلور والمية اللي نازلة من الحنفية ريحتها مجاري .....يبقى أنت أكيد في مصر .
لو حبيت تعرف اللي بيحصل في بلدك لازم تشتري دش وتعرف من بره بلدك عن طريق الفضائيات ....يبقى انت أكيد في مصر .
لو مشيت على طريق مصر اسكندرية ولقيت مدن وبيوت طويلة عريضة وقرى سياحية ...فاضية ومهجورة وصحابها ما بيسكنوهاش غير اسبوعين في الصيف ....ومشيت في شبرا ولا الحضرة ولا كرموز ولا غيط العنب ولقيت الناس عايشين في اكشاك خشب وصفيح .....يبقى انت اكيد في مصر .
لما 90 % من الموبايلات اللي بتقع من صحابها في الشارع او في المواصلة اللي بيلاقيها ما بيرجعهاش وياخدها ويقبلها حرام على نفسه ....يبقى انت اكيد في مصر .
لو لقيت شعب عمال يفتخر انه شعب متدين وبتاع ربنا واكتر بلد فيها الأسلام وبلد الأزهر ...ومع كده سب الدين شيء من العادي انك تسمعه في الشارع يبقى انت اكيد في مصر
اما بقى
لو لقيت الأتوبيس فاضي ..والشارع نظيف ...والناس إيجابية ...والأكل نظيف ....يبقى أنت أكيدمش في مصر .
| |
|
Dr Senna
Admin
Number of posts : 1228
Age : 36
العمل/الترفيه :
المزاج : تمام والحمد لله
Reputation : 9
Points : 701
Registration date : 2008-10-22
| |
