ليه مانعملش زي علاء؟؟!!

نادر:ازيك يا علاء ايه اخبارك يا بوب

علاء:تمام يا برنس ايه اللى فكرك بالجامعه النهارده؟

نادر:عادى يعنى أفشت مع ابويا كالعادة وحسيت انى زهقان فقلت لما انزل الجامعه اغير جو وأنت

علاء:يا عم عادى اختى وجوزها معزومين على الغدا عندنا وانت عارف جوزها عامل فيها عم الشيخ
هيعد ينصحى بقه والأفلام اللى انت عرفها ديه فقلت اكبر الجمجمه وانزل من الأول يلا يا عم ندخل
الجامعه نروش شويه دى شلت البنات اللى احنا اتعرفنا عليهم الجمعه اللى فاتت فى النادى موجودين

يدخل علاء ونادر الجامعه

نادر :هاى عليكوا يا امامير ازيكوا يا بنات

شلت البنات :اهلا يا باشا

علاء:ازيكوا يا حلويين تصدقوا مكنتش اعرف خالص انكوا النهارده هتيجوا الجامعه ؟

شلت البنات:عادى يعنى منتو عارفين اننا لا ورانا شغله ولا مشغله
علاء :نادر قوم معايا نجيب حاجه من الكافتريا لأنى جعان اوى



نادر يتحدث الى علاء اثناء سيرهم للكافتريا

نادر :بس البت نانسى احلوت اوى يا علاء

علاء :يا عم ده لينسيس وميك -اب وبعدين دى كل يومين عند الكوافير ايه ده يا نادر شايف مين اللى
واقف هناك ده؟

نادر :اه يا عم ده الواد عمر اللى كان صحبنا زمان بس دلوقتى تدين بس بقه متشدد طحن

علاء :متشدد ازاى يعنى؟

نادر:يا ابنى ده ساب كل البنات اللى كان يعرفهم وبطل سجاير ومش بقى يعد فى كافيهات تخيل انى فى مره
بقوله تعالى ندخل سينما نتفرج على فيلم عربى بيقولى لأ ده فى مناظر وحشه انا بيتهيألى انه لو
شاف فيلم من اللى بالى بالك هيأغم عليه ههههههههه ايه ده ده جى علينا
علاء :اه وهو باصص فى الأرض كده ليه وهو جى كده فى حاجه ضيعه منه



عمر:سلام عليكم ازيكم يا شباب ازيك يا علاء ازيك يا نادر

علاء :ازيك يا بركه احنا فل

عمر :نحمد رب العالمين انكم بخير

نادر :عمر انت ليه بتبص فى الأرض كده وأنت ماشى فى الجامعه ؟

عمر يتبسم ويقول:لا والله يعنى بحاول أغض بصرى

نادر:تغض بصرك ليه يعنى هتستفاد ايه؟يا ابنى متع نظرك وبلاش التشدد ده

عمر :تشدد يا ابنى ده أ ب دين

علاء :طيب يا عمر بتستفاد ايه لما تغض بصرك؟

عمر:هقولك يا اخى اولا عشان أسمع كلام ربنا مش ربنا قال لرسول الله يبلغنا نعمل كده

قال تعالى (قل للمؤمنين يغضوا من ابصارهم ويحفظوا فروجهم ذلك اذكى لهم)فعشان كده بسمع كلام ربنا لأنى
اخاف يوم الحساب ربنا يقولى اما استحييت تعصينى بصراحه وانا بحب ربان اوى ونفسى ادخل الجنه منغير حساب

علاء:يا عم ما احنا كلنا بنحب ربنا زيك بس أنت مش شايف كل حاجه حوليك بقت عامله ازاى زكل الناس بتعمل كده هى جت عليا وبعدين

عمر :طيب يا علاء يا حبيبى انت لم تتحاسب هتكون لوحدك مش معاك حد من الناس دول خالص فلازم تبدأ بنفسك لأن يوم القيامه مفيش حد منفهم هينفعك
مش ربنا بيقول (يوم يفر المر من اخيه *وامه وابيه*وصاحبته وبنيه)صح ولا لأ

علاء :طيب منا كده هزهق وهمل وهحس انى مخنوق

عمر:مخنوق!!!!ايه يا ابنى اللى انت بتقوله ده هو مش (من ترك شئ لله عوضه الله خير منه)يعنى
معقوله انت هتحاول ترضى ربنا وتعمل كده عشان وهتكون مخنوق يا ابنى دى السعاده بأيده سبحانه وتعالى

نادر:انا معاك طبعا ان السعاده بأيد ربنا وكل حاجه بس لما ابطل اعد مع بنات فى الجامعه هتفرج على التليفزيون
والتليفزيون كله رقص وبنات

عمر:لأ يا علاء متئلش كله فى برامج دينيه كتير جدا وممكن تتفرج على كوره وومكن افلام زى
عمر المختار وفيلم الرساله ومسلسلات دينيه
المهم لو كل واحد بدأ بنفسه اعلامنا هيتغير وهتبقى كل حاجه حلوه ان شاء الله

علاء:طيب وانت يا عمر لما غضيت بصرك استفدت حاجه

عمر :حاجه ياااااااه
اولا يا ابنى زى ما قولتلك حاسس انى بسمع كلام ربنا ثانيا حاسس انى سعيد بالقرب من ربنا وفى حلاوة ايمان فى قلبى
لو اعدت احكلم عنها مش هقدر كمان ابن القيم قال ان النظره سهم مسموم من سهام ابليس
فأنت لما تغض بصرك بتحمى نفسك من السهم ده

علاء :طيب انت لو عايز تكلم بنت لأى سبب مهم هتعمل ايه؟

عمر :والله لو لحاجه مهم اوى ممكن تكلمها منغير ما تركز فى عنيها او وانت باصص فى الأرض وتكلمها
فى حدود الحاجه بس ومنغير هزار ودلع

علاء:طيب وازاى تقدر أغض بصرى ؟

عمر :اول حاجه ادعى ربنا كتير انه يعينك على كده
تانى حاجه الصحبه لازم يكون ليك صحبه تعينك على كده
وهحط ديما قدامك انت بتعمل كده علشان ترضى ربنا علشان يوم القيامه تبقى مع النبى وميئلكش بعدا بعدا

علاء:بجد يا عمر انا اسف انى كنت بقول عليك متشدد انا اللى ضايع

عمر :متئلش كده خد قرار كل سيئاتك تبقى حسنات مش ربنا بيقول (من تاب وامن وعمل عملا صالحا فاولئك يبدل الله سيئاتهم حسنات).

علاء :بجد نادر انا هاخد قرار تخده معايا

نادر:ايه يا علاء

علاء :انا هسمع كلام ربنا عشان ابقى مع النبى

نادر:وانا كمان انا بحبك اوى يا عمر

ما تيجى انا وانت كمان ناخد قرار زى علاء ونادر ونعمل زى عمر والله مش صعب بس خد القرار من قلبك يلا يا جماعه عايزين نبقى مع النبى يوم القيامه وندخل الجنه من غير حساب

تم